記。0724。工作室

不經不覺，休息了一個月。是調息自己。

連回想，眷念都沒有。

感恩早幾年已從不同的人身上學懂要為自己架設多條跑道。狡兔尚且有三窟，我再懶都要挖多個窩安放自己吧。窩，一早有，也養得肥。

Studio 是早幾年頂唔住屋企而租。當時有感放假都要一早出門口避到晚，去 café 都貴，又唔留得耐，唔係辦法，長遠都要有個地方給自己放鬆，隨意逗留，擺放自己大量雜物的地方。那時搬出去住唔化算，租金仍高……

有天，返緊工的平日，中午去買個飯，就拎住袋外賣，遇到個筍盤，望了五分鐘（感受自己感受），就拍板要租。簽完約收鎖匙的第一件事，係去日本城買了個五層膠層架，先把一粒特別的石頭放在架上，讓石頭幫我徹底淨化個工作室，養光。然後，買書櫃買餐檯買櫈買工具，全由自己落手落腳砌起。

原來我可以邁步向前。

轉眼已幾年。

有朋友有問我現在無業會否退了工作室。我沒有想過。一來工作室租金係有限數，二來，係工作室養住我扶助我滾錢，不是我養住工作室，哈哈。所以我應該加把勁而非捨棄。

以上。