大排檔小炒

朋友星期一〔現在仍在機艙中〕零時機去英國，星期六那天跟佢餞行食晏〔其實這個月幾乎常見面食食食〕，反正去到那邊吃西餐多，所以我提議吃港式吧。於是，佢揀了大排檔小炒。

之前同佢都有去天樂里那間，呢次想坐得舒服點，去了近鵝頸橋那邊的店。因為有午市套餐，於是三個人嗌了三個午市餐加多一個煲。

可能是吃小炒，加啤酒是必需的。當然，我沒沾啦。

呢個粉絲煲另嗌，粉絲沒有半條黏著，而且放涼了也沒有黏成一團，非常高質！

其他三個菜餚都是午市套餐的小菜。份量絕對係晚市小菜的狀況。哈哈哈。

記得以前的魚香茄子煲是加了鹹魚碎，所以味道偏鹹，惹味非常但完全唔健康，而且拆肉拆得太求其我也多次發現魚骨。可能拆鹹魚肉煩又累贅吧，在街店已經好多年無食過有鹹魚肉的魚香茄子煲了。不是這間店有落鹹魚肉，而是因為味道剛好，拌飯真係一流。

小炒王是一間打正旗號賣小炒菜的食店，如果招牌中的例牌小炒王都唔掂咁間店可以收皮。所以小炒王是必食的菜式之一，加上成碟小炒王的材料都是我喜愛的，呢間好正。

圖中的明明是午市套餐，一座山咁！比我以前去茶記食還要大碟！

哈哈哈…一人前的套餐竟有八隻黃金蝦…好狂！

午市套餐有包一碗例湯，熱騰騰的！正！

下次來，不是和誰來…