品香又品茶

之前在市集買塔香，預了要補買所以 follow 他們的面書專頁，原來店子有搞 workshops 。見有品茶品香的活動，時間又得，於是即刻舉手。

哈哈，原來係店主想分享他的玩意和興趣…香道。

香爐、香器、聞香爐、炭粒、香爐灰、銀葉、火道具。

店子既然係賣香，當然有好多唔同種類的塔香，線香，香末試啦。

店主把香篆放在香爐灰〔日本制的香爐灰燒過都不會變色〕上，把香末放在香篆上砌成模，再燃起小段線香條放在香末上助燃。

試勻哂。沉香，檀香都有。

在香爐灰中埋一粒燃著的炭粒，置上香葉，香末然後放在香葉上，受熱的香末就會釋出香味。

當然又點塔香啦。

線香也有。

店主話，點完塔香線香等等的香灰，可以倒在盆栽度當肥料施肥。〔係喎，唔記得山火後，樹葉草長得好茂盛。當然。山火係生靈塗炭，會燒死好多昆蟲雀鳥。〕

試台灣的茶。雖然是茶包，可是用原片葉，不是葉碎，六個人番斟了幾壺茶仍沒有走味。香，正。

店主介紹的玉美人，有機會再試。

因為，本來個 workshop 係兩半至四半啦，可我們六個人太投契唔捨得散水，竟吹水吹到六點。哈哈，超哂時。

都介紹了朋友去。唔知會不會有巧遇。哈哈哈。