《好想殺死父母》．#11/17

12/03/2017。睇完第11本書。

唔好畀個書名嚇親啦，這只不過係作者想探討，想大眾正視的普遍社會問題。而這問題，莫非都係沉重的壓力爆煲所致。作者強調，曾有這個想法的人根本很平常，只是因為這個念頭非常「敏感」而令人諱莫如深。

之前我聽導師講「有病父母」這個詞，而在這書中，日本人稱這類父母叫「有毒父母」。咩叫有毒父母？例如回家常打罵家人，在孩子前說話怨毒，或成日將孩子比較批判，把自己信奉的一套不理合適合意就緊箍孩子要跟著做…等等等等。

另一方面，因為人口老化，及經濟停滯，不少孩子沒法像上一代咁易捱出頭，如果父母病到又需要長期照料〔你幾細心佢唔會好咖，只會步向死亡〕，這是很令孩子沮喪的現實。

作者不過是想叫大家，如果被家事困擾，唔好一個人頂，唔好收埋自己，一定要搵人傾，一定要尋求協助，因為一個人力量有限，若果要照顧長期病患〔我形容呢D為「困獸鬥」〕，一爆煲就好大鑊。

如果跟父母保持距離就能令自己精神得舒緩，不妨去做。

推介。