Sherlock 2016

Sherlock' TV Episode 2016 The Abominable Bride ，身在英國可看 BBC One，而身在地球另一面，我們只可以買票入戲院當戲咁睇。哈哈哈！重好，一來螢幕夠大，二來可以更專心劇情，三來，沒有搔擾。正正正。

BBC One 此舉係絕對聰明，與其出影碟前被放在 BT 大量抄錄，不如同各地區院線合作，當戲上，既滿足劇迷，也可賺錢。反正，此劇在全球有大量的捧場客，連廣告都不必宣傳太多，因為劇迷餓劇太耐，有得睇正版又不用等碟等 BT，必定會入場。

先睹為快。

原以為入場看的都有睇過頭三季的劇，然而，事實是不少人就這樣買票入場睇，結果睇到一頭霧水。so sad 。至少，我媽就係其中一個閒著沒事就去戲院睇早場且一早睇了此特別版而又不明白為何一時維多利亞時代一時又去到現代結果覺得唔湯唔水唔知睇了什麼的「捧場客」。

如果有睇過前作如我，就會很享受。儘管以一個新故事來包裝做過的劇情，可是這劇仍然是好感動。是的，把時裝版的一些片段又再濃縮起來，放到維多利亞時代版再上演一次，好笑之餘，也很因果。

電影的概念係平行時空。。穿插了現代，Sherlock 在航機上因 Jim 再次出現而被哥哥召回的空間時間。對啊，只入場看戲的人怎會理解這一幕呀。

當然，輪迴之後，三個男人是命中注定的緣，三個男人依然瓜葛糾纏，真係很愛。

By the way，維多利亞時代的造型令 Benedict 老好多〔dislike 囉〕，幸好 Hamlet 瘦瘦的穿恤衫衛衣加一頭金色鬈髮令佢後生好多。

下一套在戲院看 Benedict 的，應該是 Doctor Strange 吧。美國上映時間係今年11月頭。我想香港上畫的時間應差不多。

至於 Sherlock S4，等到花開花落。。少艾都變阿婆。嘿嘿嘿。