針灸加苦茶

平靜了差不多一個月的右耳，又再耳障耳鳴。於是，又要去睇針灸。今次我去了另一間睇，因為每次包診金都係二百三。而且，加埋兩服中藥，每劑五十五元。雖然公司有得 claim 返，可是每次都次只得百二元的額，真係荷苞赤赤痛。

這一間，是經青生 like 過的 page 而決定幫襯。當然，睇之前都有打過去問有沒有針灸先啦。

肝腎都差，這位女醫師要同我通肝。今次，除了耳邊扎三針〔定四針〕，腳背及小腿腳眼對上位置兩腳各扎一針，手背一針，再通電廿五分鐘。因為臥在床上，其實好易睡著。可是耳背翳風穴扎了針，頭不可亂郁，真係難搞。第一次針的時候我真的睡了一下，因為咬到舌頭，即刻驚醒！之後，就真係撐住。

一個療程係針十次，一星期兩次。才針了兩次，這個二月真係夠刺激喇。

 耳鳴係手尾長的病，唯有慢慢的調理。