冰日大恩物

上上星期因為知道會凍丫嘛，竟然令我想起公司檯底有這個無嘴貓暖蛋。唔係我買咖！係唔知邊一年部門交換禮物時收到的東東。因為唔知邊個合用，所以就一直塞在檯底骰仔櫃上面。哈哈哈。怎會估到這個年頭真的用得著。

寒風吹到流鼻水的日子，我只戴一邊手套，另一邊手，在忙啦。所以，有個暖蛋烘一下被寒氣雪到凍冰冰的手指，真係好好多囉。

究竟係咪人大了會注重保暖程序？今年話幾十年來未試過咁凍，可是我又未凍到由心震出來。以前細個，真係凍到由心度震出來咖。返學的日子，得條絨裙，及膝長襪又唔暖，白恤衫又薄，佐丹奴件過頭針織衫又唔夠暖，校褸得個重字。。在操場上還要企定定早會，食哂刺骨的西北風，真係凍到仆街。

已屆「注意好好養生」的年紀，都係做足保暖措施啦。