ECO Market

上個月尾，公司裡搞了第二次 ECO Market 。基於上次有點失算，今次準備充足銀彈啦去買買買。不過今次的檔無上次的咁吸引我。於是，只買了兩枚皂，買了 chia seed，也試了仙人掌汁。。樽仙人掌汁五十元！因為未試過，就買啦！我覺得好味喎。

今次有咩賣？除了有機蔬菜，手工皂，合作社〔剛於這活動前去了花墟天經地義買了〕，還有啤酒，奶製糖，同埋 moon cup 及可循環用的衛生巾。聽某男同事講，那檔的店員還叫他 sell 畀身邊的女士用。。

以下真係個人理解，如有謬誤，請指正。

可清洗重用的衛生巾，早已聽聞。平日用完即棄的衛生巾，據講都要一百年才分解到。女人收哂經瓜埋老襯佢用過丟到垃圾桶的那塊巾仍在堆填區無穿無爛。女生一個月用了多少塊巾，一年多少，四十多年。。有數得計。不過，可循環用的衛生巾，暫時還是沒法接受。至少沒法接受把沾了血的衛生巾塞回袋中帶回家清洗，儘管包裹妥當才放進手袋，可是那感覺仍是疙瘩的。甚至驚其他人聞到或嗅覺強的動物聞到。除此之外，拎回去浸洗也太不便。乾了的血漬係好難洗甩囉。重點係，不是一片。假設一個辦公室女生七點起身使用第一片，約十點更換，午飯前又換，飯後至放工又換多兩次，這裡已四片。如果放工後不出街，回家都要處理浸洗這幾片巾。我怕聞血的腥味，真係頂唔順。

至於 moon cup 也不能接受的原因係，麻煩。在香港地，公眾地方商場的女廁常常排長龍，去耐尐都被敲門。而且，廁格狹窄，既又無地方擺放用品〔有時連掛勾也沒有要揹住手袋除裙除褲〕更無洗手設備，要使用這杯真的不方便。洗乾淨手，把杯小心拔出來，倒去裡邊的血，用水把杯及手清洗乾淨，再塞回陰道內，尚要確保位置正確不會出現沁漏。寫出來都覺繁複，實際就繁上加煩。

沒法輕鬆。

哎，女生的煩惱，男生有多少會明。