自己苦茶自己煲

事情係咁的。因為西醫睇完聽力報告說右耳聽力的確弱了，但因為不明成因，無得搞，叫我不如去做 MRI 。。嗄！？

結果，像被打發似的離開診所。

因為耳鳴有時太嚴重令我感到暈陀陀，於是嘗試去做針灸。第一次針灸係好緊張，中醫說我的耳好多風，不過札了五針真的見效，耳鳴的確舒緩了，細聲左，沒有腦脹脹谷住谷住的感覺。如無搞錯，應是扎了針在和髎，風池同中渚三個穴位。

果然針灸才救到我。當然，因為內衰，所以針灸之外，也執埋藥回家煲，雙管齊下。當然，還要戒絕凍飲，凍生果，蕉，咖啡〔我仍有飲〕，巧克力〔好難戒〕。

針了兩次，感到耳仔同腦都輕鬆不少。

藥包成份有僵蠶〔蛾〕，地龍〔蚯蚓〕，蟬衣〔蟬〕。。囧。

蟬衣不是第一回飲，治濕重的藥方都有蟬衣。若干年前阿母試過無好好隔渣，飲完碗藥有隻蟬腳黐在唇上。反胃啦即時。

清理藥渣真係一大考驗！幸好笨笨的我突然想起可以用匙羹潷藥渣。。不用徒手搞。

第二次去睇，已沒有蟬衣同蚯蚓喇！YEAH ~