有些關係叫找數

化療中人打完幾日升白針骨頭唔痛又周圍去。。佢個仔十點幾有搵唔到佢，擔心，遂 app 問我咩事。起床後一直在忙，我十二點幾見訊息，問佢搵到未，他說未。連電話都唔通，只有出了境咁囉。

都唔知邊個唔化。。

以前送金器，佢戴一段時間就拎去金舖換款或是變賣。

搵一萬人工，買隻四千幾的鑽戒畀佢，嫌細之餘，還掏出自己那隻比對。〔十幾年後的今日，我自己都未無買過一粒石畀自己呀！〕當然，那隻指環，早就無啦。

心意，是可以變賣的。

上年買了個 smart phone 畀佢，因為佢唔識英文，簡單操作的入門版就是。點知耐不耐就聽佢呻，話個型號市面無咩套的款可揀，其他的好靚又多款，又用唔到。自己亂按搞到幾次無哂尐相，又怪部機有問題，唔知咩事耐唔耐就整唔見哂相片。。

今年，呢份禮物，我早一星期返工前放在檯上寫隻字就算。

朋友讚我乖。其實，呢尐只不過係找數。有找數都未必能安心，唔找數一定更大鑊囉。認識咁多年，forecast 到咖喇。

所以嘛，昨日寫的那本讀物形容那類人的種種，我怎會有「咦！係咁咖？」的反應丫。

後記：人哩，下午茶時間回到家。我望了望，沒有說任何話，佢生日唔通鬧佢。連佢仔找佢都沒有說。後來佢被老伴通知個仔朝早搵唔到佢，於是佢打畀個仔報平安已回家，都沒有說熄電話那六七個小時人去了哪裡，含混就算。收線之後又講埋一堆「唔同姓，無親」的廢話，絕口不提自己去了邊度。

知足？從不懂知足為何物的人要佢知道知足是什麼，簡直難過希望工程。因為看顧貓要坐在室中的我，這樣的話，由細聽到大啦。