時間表

近來整頓了一下懶人的時間表。將壞習慣糾正。

早餐前：因為在長途車上長時間垂低頭睇書會作悶頸梗，所以在車上看很少書，在茶記早餐捧到面前的少量時間盡量閱讀。

午餐：不埋堆的，也埋不到堆的，在自己位瀏一下英國報紙，迫自己看多點英文。上 YouTube 睇舊片。〔昨日剛開始分段煲緊茂瑙的德古拉〕

八半至九半：趁未開電腦，沖完涼攤在床睇多陣書。

於是，呢期睇完的書多了，也騰出時間睇影碟。

已平了上年整年看六本書的紀錄，雖然今年無望會平到一年睇三十幾本書的舊紀錄，但平了上年的總和，心中已添衝勁。

自己懶了不少，時間追唔返。只好往後多加努力。

當然，性格使然，阿桔依然係同一時間睇緊幾本書。故才可一本接一本突然閱畢。哈哈。因為有一堆書想買啊！不趕緊看多幾本家中的存貨，再添新書之事就不成。買書回家「儲存」，人老了，對此行為感覺是很罪惡哩！