初四．自來狗

初四那天，老豆外遊回家，入門口一邊關門一邊就跟阿桔講走廊有隻失狗在蕩。嗄？老豆還說他出升降機時狗狗想入，但被他擋出。嗄！即使唔知邊戶走失了狗，都不要任由可憐的狗在走廊上亂蕩吧！多危險！於是阿桔即刻開了門搵狗，那慌張的狗仔聽到開門聲即刻走過來。走廊上徘徊了多久？牠見阿桔開了門，就戰戰兢兢跑了進來。

同一時間，阿桔叫老豆快到地下守衛室講聲，如有人尋狗就到阿桔家取回吧！

看著一手抱得起的狗仔，都幾擔心，因為阿桔家有隻小小事都呱呱嘈的蛋蛋貓嘛。如果無人領回狗仔，就頭痕喇。狗仔在家走動認路，陌生的一切令牠驚到顫抖不已，阿桔抱起牠時，發覺佢震得仲勁過按摩椅！牠也真的嚇壞了。

明明在房高床暖枕中的蛋蛋也出來八卦，見到狗仔，一如所料大聲怪叫！不過狗仔就好像見到伴兒一樣好奇地跟著蛋蛋的尾走，又一再用鼻子哄阿蛋的鼻。。因為蛋蛋比狗仔身形大成倍多，所以畫面好好笑，哈哈！

正經事要緊。在老豆落樓報了有失狗之事不久，同時狗主發現入屋後唔見了狗才驚慌狗趁開門時竄走而找另一位正巡樓的保安員幫手搵狗。從對講機知悉狗仔在阿桔家，即刻趕來接狗。

終於，人狗團聚！阿桔都放心哂！因為阿桔都好怕見到失狗呀！狗狗不見了主人，真的會好慌張好慌張，亦會亂跑咖！曾見過走失的狗在街上狂奔亂跑亂衝，所以真係好怕好怕。

狗回到主人身邊，安心。