Quinn @ Yuen Long
去了元朗雞地的 Quinn Restaurant & Lounge 食癲拿。
雖然呢度 2 course dinner 都要200元起標，但係阿桔真係覺得食材夠新鮮，廚子有水準，配搭用心，服務殷勤卻不過份滋擾。很好呀！
沙律甜的。
意大利飯是驚喜！
扒很鮮！薯蓉味美！芝士也正！
甜品也很滋味！
呢次阿桔鋸扒，下次去食佢個意大利飯先！
是啊！一定會再去幫襯！
關於呢一餐，看到一些事，感慨很大！遲些再說。
28.2.13
關於呢一餐，看到一些事，感慨很大！遲些再說。
絕對水魚事件
情人節那晚食生日飯，是一件玩得死桔和同桔慶祝的人。搵間像樣的，或求求其其的，都會被那些巧立名目的餐宰你荷包，而會否被宰得一頸血，就視乎那食肆的良心。
一個人吃，呼吸困難。
兩個人吃，變成水魚。
一班人吃，有點怪怪。
想去的餐廳因為滿客，於是當晚 walk in 到灣仔的 Double Tree 吃。因為大王想吃此店子甜品師整的心太軟。
店子為了掙錢，以前兩人坐的四人檯拆成很多檯。每檯只得兩張椅子，而檯面就比攤開的餐巾大一點。食客就椅背撞椅背的坐。因為環境和檯面皆太狹窄，阿桔和大王在這一頓都各自都倒瀉水。真係狼狽。
點菜的時候，待應說祇有一款情侶套餐供應。五百幾六百元的套餐，甜品是芝麻雪糕火焰雪山。阿桔問可否轉心太軟咖，加個差價也可。待應話可以點，不過要付正價喎。因為沒有其他，我們只好點那個無其他得揀的情侶套餐。酥皮龍蝦湯是唯一供應的湯，前菜，大家都揀了煙三文魚沙律，主菜就食牛柳，阿桔要薯蓉，大王就要天使麵。牛，阿桔要五成熟，大王要七成。
就在我們等上菜的時候，見到鄰桌的熟客拎住餐牌散叫。。登時吹到啤一聲！
沙律求其，主菜才匪夷所思的差！餐廳無主動供應鋸扒轉用的餐刀，扒，順紋理也切不開。阿桔用九牛二虎之力才撕得開舊無肉香的牛肉，反艇。又話薯蓉喎，其實係烚薯仔拌薯碎，既無忌廉香也沒任何味道。而且，還叉到一舊舊的薯仔囉！什麼薯蓉呀！頂！至於兩碟扒，大王的那碟跟阿桔而前一碟係一．模．一．樣囉！咁阿桔要的扒跟薯蓉有什麼意義？大王看著用碟仔載著另上又乾又凍的天使麵，係跟邊一碟扒呢？
好了，吃了扒，待應收碟時問飲什麼。兩杯飲品，等十分鐘都不見上檯。望著樓面四個職工行來行去，無人見到客人檯面空空如也的麼？忍不住對做大的那個出聲，才識得嗌其中一個樓面入廚房整餐飲。唔係呀化！甜品呢？又要等。問完個甜品，隔一陣，那位做大的竟行過來問番我們係咪芝麻雪糕火焰雪山這個甜品！唔很係呀化？
之後等呀等呀，終於等到了甜品。大王話火焰雪山內裡配芝麻雪糕味道不搭配，而這個不是桔和大王喜歡吃的甜品，所以。。唉。
嗌埋單，個男待應見到也畀了反應，點之條友走左去帶位，跟住又去執檯執刀叉，跟住又搞其他事。我們望住佢搞呢樣那樣都無行返去收銀機度打單。失憶症咁嚴重？有個待應過來斟水，遂忍不住嗌左埋單好耐啦！那位阿頭聽到，急急出單過來還抱歉一輪。有用咩？真係！
無言。
難吃加爛服務沒有影響是晚心情。因為遇上相同問題的客人豈止我們一檯。大王留意到，有一檯嗌埋單又係等極都無人理，索性自己行去收銀度埋單。而有一檯，團購的，個朱古力火鍋上檯了，但配料遲遲都未見。當然，大王也趁大量的等候時間，上開飯網看食客的評語，發現有人寫「貼錢買難受」，寫被待應鬧。。嗄？看來真係要檢點一下，否則食到出事，畀錢敗興還要被鬧，火爆桔同佢「開年」都會呀！
幾年前阿桔覺得呢間好食才帶大王去食，大王都覺得可以一去再去咖，阿桔亦有介紹朋友去。可惜，一次比一次失望囉。明明店員個個做了好幾年，但直到現在個個仍好似新入職咁，最基本的服務質素都做唔到，甩漏多得過份。阿桔早就不想再去喇，是大王念念不忘那心太軟才去。今次之後，大王都賣佢怕了。
埋單六百幾，呢一餐真係蝕到入肉。
好好，阿桔要帶大王去另一處食心太軟。
好了，吃了扒，待應收碟時問飲什麼。兩杯飲品，等十分鐘都不見上檯。望著樓面四個職工行來行去，無人見到客人檯面空空如也的麼？忍不住對做大的那個出聲，才識得嗌其中一個樓面入廚房整餐飲。唔係呀化！甜品呢？又要等。問完個甜品，隔一陣，那位做大的竟行過來問番我們係咪芝麻雪糕火焰雪山這個甜品！唔很係呀化？
之後等呀等呀，終於等到了甜品。大王話火焰雪山內裡配芝麻雪糕味道不搭配，而這個不是桔和大王喜歡吃的甜品，所以。。唉。
嗌埋單，個男待應見到也畀了反應，點之條友走左去帶位，跟住又去執檯執刀叉，跟住又搞其他事。我們望住佢搞呢樣那樣都無行返去收銀機度打單。失憶症咁嚴重？有個待應過來斟水，遂忍不住嗌左埋單好耐啦！那位阿頭聽到，急急出單過來還抱歉一輪。有用咩？真係！
無言。
難吃加爛服務沒有影響是晚心情。因為遇上相同問題的客人豈止我們一檯。大王留意到，有一檯嗌埋單又係等極都無人理，索性自己行去收銀度埋單。而有一檯，團購的，個朱古力火鍋上檯了，但配料遲遲都未見。當然，大王也趁大量的等候時間，上開飯網看食客的評語，發現有人寫「貼錢買難受」，寫被待應鬧。。嗄？看來真係要檢點一下，否則食到出事，畀錢敗興還要被鬧，火爆桔同佢「開年」都會呀！
幾年前阿桔覺得呢間好食才帶大王去食，大王都覺得可以一去再去咖，阿桔亦有介紹朋友去。可惜，一次比一次失望囉。明明店員個個做了好幾年，但直到現在個個仍好似新入職咁，最基本的服務質素都做唔到，甩漏多得過份。阿桔早就不想再去喇，是大王念念不忘那心太軟才去。今次之後，大王都賣佢怕了。
埋單六百幾，呢一餐真係蝕到入肉。
好好，阿桔要帶大王去另一處食心太軟。
27.2.13
26.2.13
好久不見！
新界西無陽光，無藍天白雲，郊遊事擱置一下，睇波去。今季才第一次去屯門睇波，因為有時間，也有傑志囉。
去相。。
 |
| 五月十五未過，卻欠落一眾曼聯迷波飛波飛波飛被追擊的五件 |
 |
| 傑志伯伯 |
 |
| 總是同一招牌表情 |
 |
| 留力準備後星期二晚的球賽？ |
 |
| 下半場開始不久就換入了！ |
 |
| 張健峰也在後來換入喇！ |
是日。令人抱頭不忿的中楣太多，雙方龍門的水準表現也很精彩！
Eric Kayser
見到 Eric Kayser 明室淨几的裝潢，好想去，不過近日網上的評價卻有點令人卻步。大王認真地看人家的留言〔阿桔略略睇過咋，主要睇相。唯一留意內文是店中那件巧克力心太軟被評為失望〕，說那些不滿意的理由很牽強啦。既然阿桔同大王都想去試呢間，就照原定計劃去喇！〔其實阿桔早已訂了位。嘿嘿！〕
看了餐牌，不過還是被桌上的晚餐吸引，於是兩人都揀了肉眼扒做主菜。
先來是四片不同味的麵包。話哂此店以麵包聞名法國，怎可不試？不過，吃過日本人作的麵包，還是覺得日本人整的麵包較好味。
前菜大王揀了黑松露泡沫奶油野菌湯，阿桔呷了一啖，香得來又好味。
阿桔點的是時令法國番茄配水牛芝士和松子仁香草醬也好味。番茄有幾款，紅色的，黃色的及好似紫紅得近乎黑色的。每一款都好味好鮮。水牛芝士也不俗！很好的配搭。
主菜是燒肉眼扒配薯條，配 Béarnaise sauce 醬汁。真係孤陋寡聞，呢個吃扒醬汁有來歷有名堂，卻是第一次食到。以往鋸扒通常都係黑椒加芥辣。哈哈哈！大鄉里。含蛋黃的醬汁總是刺激味蕾。好味！
甜品嘛，阿桔和大王分別點了餐牌上的兩款甜品，不過侍應話無杏桃那個，卻說多幾款給咱們選擇。大王遂點了巧克力蛋糕，而阿桔問『可不可點心太軟？』時，侍應話有，不過莫期望像平時吃過的流心款心太軟。無問題無問題。
結果，兩個人都吃同一款甜品。
雖然無流心，但係個蛋糕真係好味。上次寫心太軟的時候沒有寫到，冒住肥死的心情點心太軟吃的人，其實都超嗜甜，亦希望放入口的心太軟在甜度上滿足到自己。就好像超市凍櫃裡的巧克力莎莉蛋糕，雖然甜到爆，但仍不乏捧場客。
這個巧克力蛋糕中間都有半溶的巧克力，好甜。整個蛋糕都是令人快樂的甜味。
很滿意的一頓。
25.2.13
鶴藪道
是一條風景怡人的山道。有清新的空氣，有環抱的山，有清勁的山風，有溫暖卻不刺肉的陽光，有滿眼的綠，有絕對的幽靜。
以鶴藪水塘為界，先把上山的路中風景重播一次。
唔知點解，或者可能太靜，想到，如果有隻虎撲出來，不知點算。
Pink Dahlia by Hins
初春，買了這一隻絕不口水的唱碟。
想起來，好像也是桔第一次買一整隻以重唱人家歌曲的大碟。當然，他唱別人的歌都好好聽，才令桔有信心掏出百元去買碟吧！
聽了重編重唱的幾隻，仍未聽出味道。桔很慢熱，什麼事總是要花一點時間去消化。
當然，有點困難是，部份歌曲都不是桔喜歡的歌。
花樣百出．草莓
fragaria ananassa duch
@ 鶴藪．東山下．彩虹有機農場
是否有點政治不正確呢？阿桔從來就唔好食草莓，平時亦很少會吃到草莓副產品。今次去到鶴藪，一來為了場中的貓女，二來想走下阡陌，三來呢幾年本地好興去田裡自摘草莓喎，即使今次是一條友，都開開心心入場試一下在田裡揀草莓揮剪摘摘摘的滋味。
估不到這個農場規模幾大！由於一隻手要拎住籃子，加上本身極之肚餓，所以舉機拍照時都幾論盡。不過，趁住這機會，在阡陌上來來往往，真係好開心。餓住都要逗留多一陣。
 |
| 農場內還有其他的農作物供客人自摘 |
訂閱：
文章 (Atom)
