關人忍事兩件

新年流流，聽了兩單完全關我叉事但聽完會引起反思生命的奇人奇事。

事件一：

聖誕當晚，桔媽沖涼時手電響起，家人慣常沒理會。桔媽沖完涼出來也沒有即時檢查電話，隔了十多分鐘後，電話再度響起，才知有missed call。是一位阿太打來。呢位阿太跟桔媽講，佢個女狂嘔，又感到暈眩，胃痛，肚屙，頭又疼。。唔知點算好。咁桔媽咪問佢有無畀個藥個女食呀，個阿太話食過中藥，食過西藥，又食了正露丸，兼吃過止痛藥。桔媽咪叫佢帶個女去睇醫生，〔看來勸不成〕又叫佢用薑搓搓小孩的肚子扯風。聽到我扯哂火。呢通電話終於講了十幾廿分鐘才收線。急病亂投醫是錯，急病都唔投醫更加匪夷所思！究竟係咪實係疼愛孩子？桔媽一收線，我就鬧爆呢個阿太，咁閒講十幾分鐘電話，不如爭取時間送個女入急症室啦。〔我心裡咒罵呢個阿太正仆街！ -- 唔好意思，新年第一篇又爆火。 〕
一個成年人的身體都承受唔到一日內中西藥一齊食啦，最簡單喇，食咳藥水倒多半格落肚都會手震心跳加速兼勁睏啦，更何況呢個阿太中西藥夾攻個女之餘仲加多兩種成藥，根本係蓄意謀殺個女。作為旁觀者，聽到個心寒哂呀真係。家長的無知和白痴確足夠條件害死個細路。而且，個小朋友都嘔到唔清唔楚咯都仲唔抱佢去醫院，係咪要等佢雙眼反白口吐白沫無哂知覺先至諗係咪抱去醫院搶救！？胡亂食藥弄得猝死新聞時有所聞，可是仍有這麼多白痴的家長對孩子繼續幹著類似這個不負責任的事。
桔媽聽我一番火氣言論，心裡替孩子更感不安，擔心人家個女會否被我臭口說中，於是立即跟呢個阿太聯絡，說我聽到後也認為她快點抱個女去急症室。
而事實，呢件仆街阿太當晚最終也沒有無抱個女去醫院。反而拖到除夕那晚因為女孩嘔吐不止和持續的頭疼而入了醫院內科等做電腦掃瞄。呢件事，是3號晚桔媽終於時閒才跟我說。腦掃瞄報告出了沒問題沒異樣。但女孩患什麼病為何狂嘔吐呢個原因阿太卻隱瞞沒說，桔媽都是從另一位人兄口中獲悉小孩證實是受Norwalk-like virus感染，才要留院打點滴。可是，這個阿太星期六那天跟醫生說要度帶孩子出院，醫生當然說不可以，還反問點解。於是，阿太扮成好媽媽很理直氣壯話跟醫院膳食無營養，孩子在家得到家人更妥善的照顧云云。。由於醫生不批准出院，呢個阿太繼續死纏爛求，卒之醫生畀個小孩「請假」一天，晚上要回醫院。至於點解個阿太係都要個女出院呢，原來有下文。。
她竟然帶了女孩去私家歲所睇醫生，還指孩子嘔吐在醫院都沒有藥食，也沒停止過，所以求診所醫生為孩子開藥，也打支止嘔針。據聞有不少人聽到這裡都覺得啞口無言，不可思議！診所醫生會不會被誤導而違反職業守則？因為，無知的阿太個人太主觀認為醫院只為孩子打點滴無藥食經已夠爆，還要診所醫生為孩子打止嘔針開藥食，十分離譜。以呢個阿太的性格，送孩子回醫院一定不會回報給醫生知日間帶過孩子睇私家醫生還吃藥打針的荒唐事。呢位阿太，唔死都無用，害死個女係遲早的事。
桔媽話，個阿太之前帶個女去睇中醫，中醫話佢個女胃不好，多點吃薑，於是幾乎味味菜都落數片薑煮，連煲白粥都落薑。。桔媽為此已多次好言勸過阿太不必日日「落重兵」，可是賤人永遠就是賤人，意見接受，態度照舊，仍一意孤行堅持說孩子吃了薑身體也受得住沒什麼問題所以才繼續日日有薑食。
唉。為什麼個個都只勸而不鬧爆個女人？「為口德而緘默」在這件事真的重要嗎？桔媽說性桔使然，個個都知道，對住呢位阿太鬧爆都無用。於是，我改為奉勸桔媽快點跟這位阿太絕交，免得來日真的「出事」才以旁觀者的身份追悔現在袖手旁觀沒有罵過這個女人不智的行為而白白害死了無辜的孩子。
唉。


事件二：

有個無親戚關係但識左幾十年的長輩仙遊，抱舊思想的老人臨終前吩咐膝下兒媳動用「自己儲落的棺材本」搞一個好好睇睇的葬體，包括土葬的風水地。於是，兒媳們圓老人一個心願，豪花盡老人的「棺材本」，遂搞了一個二百萬風風光光的大龍鳳。
聽到這個銀碼，我即刻諗到八個字：『積善之家，必要餘慶。』
明知無權批評人家點樣流水式花錢，但，200萬，捐出去救人助人，福德更大囉。
唔係講笑，洗腳唔抹腳，不一定發生在年輕人身上。