訪友人及小孩子

相識廿三載的舊同學近月生了小男孩，滿月剛過，幾位女生就約好一人一袋紙尿片作禮高高興興家訪小小新隊友。有人急不及待抱B，也有人病了尚未100巴仙痊癒故想卻不敢抱初生孩子，而我，想起來，真的好多年沒有抱過嬰兒，於是友人們一起慫恿我抱B。。自己知自己事，抱貓唔夠力甩手的話貓反應快都識轉身安全落地，但B仲細，很冒險囉。友人沒放棄，一同為我解決困難，係都要把B放到戰戰兢兢的我手上才滿意罷手去吃薑醋。我承認，的確係我好好肉地，後來BB在我懷裡，酣睡得暢。反而是我另一隻沒有兜著他而騰出來的手因動作太大無意撞了他的腳仔幾次，令他反射性震一震。。如果搞到佢嚇到發惡夢，真係錯哂喇我。
By the way，孩子再cute，在我立場，永遠都是別人的好。