飲飲酒，咬咬串

天寒地凍，幾個屬新界西北的好食人晚上去了元朗一轉食餐串燒，點之間店落閘，洩氣之餘，去了氹仔餐廳咬仿葡菜。以前去過呢間店食過的都覺得今時唔同往日，所以食不飽肚。有人提議雞地附近都有間串燒店可以試下，於是幾個人冒著風去試。名叫燒太郎的店跟Q太郎O次郎絕無關係，不過個名就勁好記囉。甫坐下，大家都好像無食過什麼就點了很多串燒：羊架、金菇牛肉卷、蒜頭、牛仔骨、帶子、蠔、雞腎、、幸福多春魚、凡立貝。。等等等等。配合燒汁和各式醬汁，樣樣都勁好味，怪不得鄰座阿叔啜住條牛骨一臉滿足。最驚喜係，串燒價非常便宜，大部份廿幾元有交易，非常公道，平到丫，狂風掃落葉都得呀。四個人一齊勁推！大家仲話搵日再約齊人去咬過。
之後，去了小樽咬冰，滋潤一下。。好味！
一晚走三間食店，又飲飲酒，咬咬串，好爽。下次多幾個團友就好喇！

@ 小樽

@ 燒太郎

馬介休球勁呃錢，整到size像紅棗咁，好寒酸囉。