整餅

說好了不買禮物，今年聚會最輕鬆，兩手揈揈到場就可以。不過有兩位人妻出術，沒買禮物，卻各自烘焙了曲奇餽贈女團友們，男團友們一律無份。其中力臣的曲奇未拍照存檔就畀我食哂落肚，而花花整的，哈哈，到我拎出相機拍照，只剩下數片了。兩位人妻的手作都好好味，不禁令我懷念起灣仔交加街某餅店的肥人曲奇〔那時去龍門飲茶後會順道買盒回公司，超好味卻一定食肥人的牛油曲奇！〕。最搞鬼係，點解花花選用這個玻璃瓶去裝曲奇呢？哈哈，弄得曲奇像從標本室執出來似的。

連豹都有相同諗法。哈哈哈哈哈。

話說上一回我得到一盒薑餅人kit set得物無所用，聚會當晚見齊人，大家一致同意相約新年一齊到花花家拜年順便一起整餅！
餅模是死，人腦是生，到時一定將佢改改姿勢。。
哎呀，把新鮮出爐的薑餅仔放到玻璃瓶裡，會不會更似。。

〔Oh。。無論年頭年尾，有節慶無節慶，變態的人當然一樣個腦諗埋諗埋都係變態事。呵呵呵！〕

新年快樂。