1990

這是1990年12月5日發行的《YES！》第2期雜誌。翻開內頁，找不到我存下這本雜誌的原因。亦因為咁，奇怪點解存的唔係第1期而係第2期。最奇怪是，沒打算扔掉，反正都在櫃內放了快19年。。
19年。。
書裡有什麼？有邵國華和心儀女神何雁婷的約會〔活動〕相片，有周慧敏的詩。。咁囉。人大了，再看，書的內容無深度，無咩特別。而我，好記得，買了9期左右就沒有再花錢買這本雜誌。那些年，因為星爺關係，我迷上《電影雙周刊》。就連村上春樹的名字及作品，也是從《電影雙周刊》認識繼而接觸他的書再迷上。〔《號外》也提及村上春樹哩！〕
講起周慧敏，近年有個佢拍的廣告都幾恐怖，講關注乳癌那個。佢話十個Auntie中有幾個都中招。。做佢auntie都咪話唔「老黎」。。最莫名其妙係，廣告中佢好似一直以「見鬼」的表現跟「人」對話分享，可是個鏡頭從不同方向拍佢都拍不到其他人入鏡，真係好恐怖。噫。。這個，我其實係咪好耐之前寫過一次呢？