Burgers Day

一連三日的短假期轉眼就過去喇。雖然香港熱爆，但我都有抽一日去新界郊遊出出汗，卅十四五六度酷熱無乜風的天氣加烈日之下無穿無爛無暈無入廠行了幾個小時山路能全身而退亳無疑問真係大幸。關於郊遊的事，且容後再說。
這三日，要說的話太多。。開波前，先分享食照刺激一下食慾。三日吃了兩餐非常heavy漢堡餐，想想，跟自殺無異。
星期六又去了SEB咬包。今次帶夠錢，所以點了一個Debbie，一杯藍莓奶昔和一客薯條。滿心期待個薯條好入味，可是咬落真係平凡到叫人失望。至於杯藍莓奶昔，很多藍莓渣皮，甚至有完整的藍莓粒，因為有藍莓粒，就知那些藍莓雪得太久已呈脫水狀態，似紫色的梅子乾。。
一,一” 怪不得杯奶昔唔甜又唔鮮啦。
至於個包，其實係有水準啦！不過真係好大個好厚，又漏汁，又穿紙，搞到我食得好狼狽。
人家不知，還以為我餓了很多日。。
這天，因為店子開了一門，室外也變了半露天，冷氣不夠，來咬包的人客也稀落了。