我微笑著讓香味停留

同事放工約去北角食拉麵，既然未食過於是跟埋去。
真詭異，牛舌串燒點解唔係串住上？而且完全無串燒過的烤味，好馬虎。。非常失敗。
日式餃子仲好笑，乜玩緊「聖杯」咩？點解連擺整齊先上桌都懶得做？
至於拉麵。。有同事一見碗麵已有微言囉。。
無特色也沒有水準。
我想說，咬落唔覺有牛油味咁仲算唔算可稱為牛油拉麵呀？
一,一” actually 大家都被騙來食麵啦。

在北角吃過拉麵，時間尚早，和同事們一行四人去了銅鑼灣咬麻布茶坊甜品。本來打算在北角食甜品，但係去到糖水道發現係無糖水舖，真係『車！』了一句出來。
當然，這是個爛gag。。哈哈。事實係有人記錯甜品店的正確位置，穩陣起見，才去銅鑼灣食甜品。。最好笑係，四個人打算在乘巴士回怡和街落車，點之上錯車，架巴士轉入銅鑼灣道上告士打道天橋。。
好在，落橋轉出，在百德新街街口急腳落車。
這個時候，仍未決定去麻布，一心想去滿記。。怎知，厚誠街加寧街都看不到滿記的店。。一次又一次失據，哭笑不得，才決定去麻布。。
每回去麻布食甜品，慣性要抹荼聖代，喜歡同時擁有一球抹茶雪糕和原味雪糕加抹茶，各有滋味，各有風格，但一樣令快樂留在味蕾。同事Wi話要揀其他的試，於是我點了個抹茶慕糍試試。。份量比聖代少但價錢貴過聖代幾元，因為多了慕糍、丸子、粟米薄脆和紅豆吧，慕糍不難吃，但口感怪怪。。嗯，整體來說都是好味道。
賣相也吸引。

嘩！睇阿Y持甜水陶罐的手勢幾PRO。。

圖：同事的蕉氣刨冰，抹茶刨冰和抹茶慕糍。。
見到同事刮著那碗刨冰，不期然想起台北的冰館耶。。
吃罷，飽到上心口。。嗝。

關於食，唔知大家上星期六有沒有看《幸福的味道》？是港日合作的劇，男主角是Narimiya Hiroki 成宮寬貴，女主角係劉心悠。是一齣清新的劇。成宮寬貴好可愛呀。
網址：http://www.rthk.org.hk/special/tasteofhappiness/

下集係今晚呀，記得睇呀。。

噢，預祝大家中秋節快樂。有節目的繼續有節目，無節目的咪睇電視節目。。

各得其所啦。