春天的疼痛

星期一左肩胛骨位置又酸又痛又梗，星期二痛楚加劇，起床時連環地痛，頭連向右邊轉痛爆。痛到想死！整天在office也如木頭人，硬哂。是頸骨側彎plus春天的疼痛。晚上的索描課也不上了，急急去搵師傅捽背捽頸。簡直做maintenance一樣。

生日那天到醫院覆診時照過肺睇片見到條頸骨彎了，不過當時未痛出來所以擱置找師傅搞番正佢。現刻好似不停被人大力由高處摔落石仔地，由頸至肩胛骨，真係痛到癲！如果有同樣問顯的人一定明白箇中的痛楚程度簡直係去到求生不得求死又唔得。我捱得痛，但呢期真係痛到想打嗎啡！連平時絕對唔戴bra睡覺因為會搞到好唔舒服的我，第二朝才驚覺竟然未除bra就睡了，一整晚都不為意，可想而知我整個人根本痛到唔知自己做緊乜。

昨天音樂老師請假，無堂上。意外有一天free，於是放工後趕忙到去師傅度執執。連續兩日的「偉大工程」，跌打師傅已用氣功順利Solved了頸骨的問題，肩胛位立時感覺鬆哂，活動自如。可是卻由於兩天使力擠壓過肌肉和皮膚，現在每一個即使十分細微的郁動，背上大幅位置的皮肉都接力似的發出抗議式的勁痛。加上敷了一整晚藥貼，媽說我頸背位置紅了一片。

死未。。

加上早個星期我曬出事的一對痛腳，儘管我有「死屍睡姿」，可是壓著痛背睡的滋味怎會好受。。

這陣子躺在床也不能睡個好。。

很多日沒有好好的睡。。

好想睡大覺呀。