齋舖奇遇

七月十四去紅磡處理中元法會事宜，太早，法會壇未準備好，咁先去吃早餐。時間也快十一，所以直接吃午餐，揀了個芋竹烏冬餐。

芋頭份量超多，幸好這次沒有嗌小點心，芋頭膩，真的飽到一個點。

這次還遇上奇葩的人。一位又揹包又挽幾個袋的老婆婆入店不停問有什麼吃，但左問右問都係無決定，而且還望住電視播的佛學節目。店員好有耐性重覆又重覆回應婆婆相同的問題，婆婆答和不答之間，都係無決定，一時嫌辣一時嫌貴咁……

由於她站在店中間看電視，店員就招待佢坐下。問佢飲什麼茶，又數一輪，講完哩，婆婆嫌寒涼，但就不決定要飲什麼。最後店員開了壺茶給她，她也有斟，就沒有留意佢有沒有飲（因為我不尊心自己的事，咬到舌頭，所以收返自己的八卦心）。

有落單，但落單後又後悔問又重覆問其他菜式，單就取消。

之後，她好似接了一通電話，就起身揹好佢的袋，一邊講電話話自己在什麼地方一邊行出舖。店員有嗌佢繳付茶芥費用，佢就話講完電話轉頭付，繼續行出舖……隔一陣店員出了舖望左望右，已人去無蹤。

後來跟朋友講起這件事，如果她動機係只想有個地方坐一下，但就入了舖演一輪，都稱奇。雖然中元節，但我不會認婆婆有什麼不妥。反而係，詐了齋店一份茶芥，口口聲聲話會付錢，但最終走數，這個就真的「欠」。

這年頭奇怪的人實在太多。正如在同街押店外的露宿者，早前都被人以礙眼為由肆意欺凌，這個世界真的有病。