手帳。1224。雞飛的一天

不想周圍搵地方訂檯，老豆八半就要睡覺，所以我鬆口在屋企食做節。火鍋，不用煩煮的問題。

因為傍晚才火鍋，所以中午先去食過晏，再和妹甥二人集合去街市買新鮮料。因為我怕濕𣲷𣲷的街市地，就由得阿妹入魚檔的巷。結果，除了蠔，還順個手買了隻皇帝蟹……

老母生前不曾在廚房宰殺，唔知老豆有無，因為佢愛吃魚。所以，這是頭一趟見到廚房有殺生……😣

阿妹入廚房睇到老豆把買回來的冰菜梗搣去當廚餘，幸好係先撥在水槽一邊，全救得返，而且，菜葉還搣到小小片，即時氣上頭啦！老豆自恃做了幾十年廚工，有吃鹽的堅持，常吹噓自己廚藝了得也踐踏別人無知，所以對於阿妹阻止扔掉冰菜梗之動作又想老羞成怒，反責阿妹唔識，又批評買的其他蔬菜老蔫蔫（這樣的事，其實每個星期我買菜回去都受一次，但就講不出我買的是什麼菜蔬，嘿）。廚房的雞飛狗跳，我和甥仔都係留在廳好了。

By the way，我也氣炸。佢執清餐枱上的雜物零食，但，那些零食罐罐，我跟阿妹發現被放在浴室門邊他用來放待洗衣褲的桶內！幾個小時前應該係放著內褲……望住桶內的零食罐，我低呼絕望的慘叫，急忙找消毒濕紙巾抹抹抹……我沒有反眼，但肯定已內傷。沒有出聲啦，講完佢老羞成怒仲煩。

趁之後個個入屋齊人，就開始火鍋。畀些世藝，之前拜託老豆買豬膶，佢又要買魷魚。好啦好啦，但佢唔知幾點就開始醃這兩樣肉，堅持要醃過才入味，但就醃太耐好鹹囉。

既然齊人，在老豆中段已想去沖涼想去睡覺離枱那時，咁圍爐的幾個大人就講講其他重要事。

稍早前老豆出席舊老闆葬禮，我問返弟妹訂帛花的錢付款沒有，年尾了，不能拖欠。嘿，未畀（之前預我出帛花時又話阿妹已放低錢），也不知實際多少，我話老豆講幾多就幾多，唔好質疑喇，反正老豆都係隨口講。之後，細佬才爆料，話那晚去到禮堂，有望哂全部帛花的資料，阿妹的名字寫了錯別字，而更爆係，老豆和舊同事夾份訂的帛花，因為望遍也找不到名，所以不知道是哪個。細佬當然無跟老豆提及這事。弟婦都係跟我們一樣第一次聽到這事，一齊愕然。錢呢層，我信老豆有出過，因為先前佢擺我上抬的事我跟那人溝通過解釋嘛。但，點解帛花沒有落名，應該係佢跟那個舊同事的私人瓜葛喇。老豆一直老馮又無禮貌兼涼薄平日大話連篇的態度，被整蠱都唔奇。當然，想到那個人袋了不屬他的帛金錢，也夠離奇。

唉。