2022#32．《自轉公轉》

by 山本文緒

因為不喜歡女主角嘅空洞無知，也不喜歡女主角母親的那種日本人在社交上「保持距離及長期虛偽」的模式〔別人每一個行動說話都琅評分，OS太多負面想法〕。加上整個故事寫得太真實太血淋淋，睇到心情好似被泥糊漿住。sad。

現實世界認識太多雷同的人，自己生活未顧得掂，窮忙一天，完全是得過且過到災難式廢。加上長期依賴別人而變成對社會無知兼俗不可耐，見同學有家庭有戀人有個像樣的家就充滿妄想，甚至想天降好男人結婚生孩子。當生活圈出了狀況琅自己落手落腳去解決就亂成一團…

或許，自己不多不少都是這樣。或是，在另人眼中「你何嘗不是都係咁樣？」。

本身好怕看以女性為主軸的故事，廿歲左右揭過亦舒，心理上完全接受唔到，連一本也看不完，女人的嘴臉真實得不安。所以以女性為主軸的故事，多年來絕少會睇。

活在悲劇中的人怎會買飛入戲院睇慘戲丫…同理。

儘管這是山本文緒的遺作，文筆再好故事再滴血也不是我杯茶。加上對不起。

睇書的時候，想起幾年前一次在快餐店等外賣的尷尬事。幾個廿歲左右的年輕店員趁包裝外賣的空檔時間吹水，話題都是拍拖識異性咁，當中一個樣子十分抱歉而且年齡真係唔細的女員工突然好唏噓大嚷好想拍拖結婚兼有人養，在取餐檯附近等餐的男男女女客人完全靜哂。

當你不覺尷尬，尷尬就是別人…