塵世美

那天去元朗搵食，之後趁過緊馬路就匆匆用手機拍幾張。因為拎住一袋熱騰騰的薯格加兩支飲品名一公升護髮素，所以無得滋油地拍照啦。

閨．家

在深水埔，上去幫襯呢間，吃著名的朱古力西多。好飽！

醫局街天后廟

坐巴士正好在附近落車，就來了天后廟拜拜。那年我仲細，住在同區，老母有帶住我來這裡，因為當年廟外的老盲公算命好準好靈。我仲記得佢檯上有個龜殼，見過佢占銅錢卜。

當然，我都一把年紀，雖然還好記得幾歲的事，不過都是上世紀，那個盲公應早已作古喇。

老母講，當年盲公就話我的出世救左老豆一命。如果我係仔，佢個病早已無得醫。不知道當年他還說了什麼…

久違的廟，裡面好光猛，所以我都入去轉了個圈。

買 Sketchbook

在店子見到這一本 sketchbook ，完全唔理價錢就入了一本。反正我會準備十月的消墨節。哈哈。

消墨節？ Inktober 是也。

抄．辛棄疾

關於中秋…

中村明日美子：Blanc

幾個月之前在IG見到有人放售呢套漫畫，我頭五部BL飛佛之一! 日版呀，二手價竟然係四十元，無猶豫即舉手。收到實物更驚喜，好新淨。感謝感謝。

睇封面就明，草壁和佐条高中時承諾的婚約，真的成真了。

更開心係，中譯本也快發行，我都同漫畫店訂了，呵呵。

❤

貓影？

 有天黃昏見到一對貓耳……哈。

可愛

祝由科的祝墨咒

和朋友聊起符咒，回家揭相關的書，見到這個祝墨咒…好喇，傳是軒轅留下的。不過，倉頡造字，蔡倫造紙，咁，點解軒轅時期已有呢？

因為祝由乃是口傳之法，而是是要真真正正拜師才手把手傳授，而當時環境，學富五車的人又怎會上山入林去搵藥採煎藥又要識字識歷史才寫符丫。所以，真正的「源」想必已散失了。

好玄妙。

一起食堂

第一次試一起食堂，外賣回公司，吃了這個蔥油雞肉乾拌麵，夠味，份量也不少。絕對可以再 encore。如果堂食，想吃麻油雞。

流口水了。

齊柏林

久違的熱狗。順手埋了板上貼著的三張收據。

這個奶茶勁多奶，茶香反而被掩…不過都好好味。好有日式奶茶的感覺。

時雨時晴

這陣子忽雨忽晴，每天都是太陽雨的狀態…有這麼多狐狸出嫁嗎？哈哈。

呵呵。

這張嘛，剛好收雨，而我又走到巴士站等車，抬頭一望…呀。

用宣紙抄水調歌頭

逛文房店見到這個硬筆書法信箋，見廿五元一份，就買兩款試。

不過，所謂硬筆…我用硬筆寫上去寫到吐血咁滯，點解一隻字要蘸幾次墨至寫到。寫到我完全懷疑人生。更驚壞了鋼筆尖。

嘿嘿。

收得皮。

抄．李商隱

墨是很美的紫色。

雲母屏風燭影深
長河漸落曉星沈
嫦娥應悔偷靈藥
碧海青天夜夜心

幻夜

見到月在雲層後，拍完照唔知點解把前面的街燈影成一團暈光。好詭異。

不過又幾特別！

抄．字

全文…要再抄一次。之前抄得挺醜。

泰基隆

和朋友在大南街來個午間小叙，順便探望一下出院後復工的筆店老闆。吹到過哂鐘添。因為趕住閃，於是大家匆匆吃個泰基隆。

身體健康就好。

好好味。

恆心

 持之。

舒俱萊．Sugilite

知道佢病了要治療，之前去祈福，今次去了相熟的晶石店買了一粒 Sugilite 畀佢。以佢平日衣著，在店子見到呢粒真的好靚，已經是不二之選。

我戴緊的兩粒舒仔，加之前一條頸鏈，和早年買畀老母的都是同一間店購得。我較喜歡 raw 一點。

因為尚有其他東西畀佢，所以今次唔寄畀佢喇。於是一次過交到佢爸爸手上轉交。

希望後生仔早日痊癒。

山浪奶茶

呀…all in 呀。

要買梗係買哂四款味啦。

Elujuda Mellow Oil

因為整個系列每支油都好靚〔日本貨係咁吸睛〕，詢問過店員後，話我髮質較適合呢款潤一點，呵呵，樽是美麗的琥珀色！於是買啦。味道好香，又不黏膩，搽上頭髮香味在飄散，變成賞心樂事。

樽口的貼紙，哈哈哈。看來好多客好手多多囉。

唔係貪得意咖，係用完髮油，又要補貨，於是去了兆萬內的黃店買。當然，試新牌子是必然啦。

呢個系列，正到想成 set 各色全入。

119 Italio Restaurant & Bar

那天勁熱，無力啪熱食落口，於是入了 119 Italio Restaurant & Bar 度涼冷氣兼吃個西餐。

這天是平日的午後，我一個人包了場…

熱到飲沙冰才能消暑。

在老區，附近又無商場又無商廈，的確少人煙。呢間好味的。去開大南街附近行街，可行多幾步來幫襯。

再見了…貓

朋友辭了呢份工，唔知有無機會再見呢對姊妹。

黏人貓。

18-20 JUN

還記得嗎？

跟抄谷友之句

也是勉勵自己，放下就好。

千之味

例牌。夠飽又滿足。

抄．釋正受

好美的佛偈。

千山同一月，萬戶盡皆春。

千江有水千江月

萬里無雲萬里天

感到滿滿的祝福哩。

DAIRY 草莓豆奶

少女漫畫的高中生不論男女都常常飲草莓豆奶。呢日難得入一田，又見到喎，也買來試，少女一下。

味道可以。不過份量再多點會更開心。

留家月餅

今年暫時只入了留家的月餅，有豆沙和白蓮兩款味。

在中秋前應該會搵其店再衝多一盒。〔屋企得我一個食得甜，買唔到咁多〕

Napnice Passion Pillow

需要買一個枕頭，左揀右揀，都係買黃店兼本地貨。

那天直去設於荔枝角廠廈內的陳列室買這個 passion 款 。店員服務超讚。而且，售後 sent 了短片教點用這個枕頭。愛躺平或愛側睡都有不同啦。

因為前一個枕用了十三年，所以，用新枕頭一定唔慣喎，用了快一個月，已習慣了。

正。

七十二物候．春

睇一本叫《虹始見》的BL漫畫才知一年除了節氣還有七十二物候。是隔五日就是一物候。而且，物候涉及的範圍不止氣候一個方面。從網上得知，原來有「物候學 Phenology 」，而日本人對每一個物候日子，都有相應的事要做，嘩。

常識常識…常常唔識。

真係無教過丫。

抄住立春至立夏前的一段。

Around Willington

又同朋友食晏，今次是文氏伉儷。要吃好，所以約在這裡。廿幾年朋友，一埋檯當然又係聊個不停。

今次我都終於吃到話梅醉雞喇。正。

早上出門前一邊洗頭一邊諗起好耐無食白鑊煎雞翼，連雞翼都少了吃…幾個鐘後，朋友在餐點後追加這一盤…真係「咦！」…好好笑呀。

必吃的甜點！

正。下次，實有下次。