宜家蕩失路

我係好怕入宜家，隔兩年至三年才入一次。因為路窄人多兼被規範了路線，我至憎呢種硬要人行哂全部區域的銷售方式。呢日想入去買張櫈，去了就近荃灣那間，因為第一次來加上場內無咩指示，結果我每層樓都來回又來回咁搵電梯上落，而且，如順人潮行慢D都阻住後面，逆行就更大鑊，總之那年宵市場一樣的場面令我好累很困擾。

櫈無買啦。人太多喇。想試的心情無哂。

又唔想節磨一輪無野帶走，於是買了兩樣用品。

Bath Lily 我有用開，見唔係大陸做，所以執一盒。

一 pack 蠟燭，用來點香薰爐咖。家中用剩一個。

櫈嘛。。還是去D舊家具店補買張十大武器之首算喇〔家中坐緊的正是，用了十多年，嚴重生鏽了〕。

或好好考慮買張 Emeco Navy Chair 。

諗諗。