家課．1

因為齋買珠呀原石呀已刺激唔到我喇，何不有點新意學穿珠？於是早前又扚起心肝報名去學整首飾。哈哈哈。在網上發現這個925銀線繞首飾班。好正統啦，在香港寶石學院上堂啊。於是科水報名。

第一堂，第一樣要學係穿珠。當同學揀青金時，我揀了少見的綠石榴。

第二樣工序係繞「眼仔」。然後把兩樣駁在一起做成手鏈。

由於是初學，所以係先用銅線繞掌握拿捏。唔捨得用925銀線，所以圖中的成品係銅線來的。哈哈，因為銅線和銀線柔韌度不同，繞的時候會有不同的手感。因為我 skip 了這部份，第二堂時交功課導師一見都有話我啦。哈哈哈。當然，收剪口位，圈的弧度都係有大把改善空間。

不過，用一條直線繞出一條鏈，真係 Amazing 啦。

呢個課哩，六百幾元，工具三百多點，而材料要千一，如果想用點靚少少的可就要再加錢，真係唔用功都唔得。哈哈哈。

趣事梗係有啦，上堂繞線時一再再而三咁把左右掉轉，要拆過再來，所以D銅線才咁攣…囧。真係好懷疑我係咪一滴天份都無囉。不過，見到成品〔雖然甩漏多〕，個心都有DD雄啦。哈哈哈。

努力。

由於當日上完第一堂後要去渣甸山那邊上 healing course，在等同學期間，本身都識穿銀線首飾的導師都有給予意見提示要注意的地方。呵呵呵，真係去到邊都有天使照顧。感謝。