家課．4

第四堂的家課，係繞好隻戒指。哈哈。由一條條銀線織成一隻戴得上手見得人的戒指，真係好開心啦。

雖然，事實係這份功課歪歪斜斜如我。嘩哈哈哈哈。

你唔問我，我都話你知。繞和拉都唔夠力，所以D線好鬆散又唔整齊。好醜怪。

戒指的另一組件部份。

把兩組件嵌埋一齊。繞四個漩渦，完成。

以第一次整來講，導師話收貨。我話太拱喇，佢即時幫的修正修正。呵呵。

下圖隻戒指係上堂時導師帶來的 sample 。對比下，我的功課真係好稚嫩。不過，後來在網上找到有店子賣這款式的戒指，換了石，也改動少少，不繞漩渦…重點係，手工非常粗糙馬虎。不過，見到標價竟然係HK$780，真係當堂嚇一嚇。唔係呀化？

由於我覺得賺得太盡，卻基於「手工無價」，於是，就此請教了幾瓣朋友價錢定位。綜合朋友問了材料的費用後分析 / 意見，如果我要搞壇野，要想想「仁慈價」，「信心價」，「肯定價」和「絕交價」。抱薄利多銷，做得好兼賣得好，咁到時真係玩死自己。當然，首要問題係我要 make sure  自己做的成品質素好水平高。客畀10元而得到13元的質素水準貨品，先係重要。

我都係繼續進修下先。

多謝朋友們的意見和鼓勵啊。