17年11月．買書9本

真係哩…又置一堆書返家。

呢本《塚本ミカのワイヤーデザインジュエリーのアレンジ》係早幾日上智源度買的。揭書見到有 basic 繞線圖解，所以買啦。

《納粹獵人》係上星期在誠品見到才記得唔記得在博客來訂。哈哈哈。反正運費一條數，落旺角〔好耐無去菜街那邊〕或老銅〔一樣無去書店那邊好耐〕都係一條數，算啦，就在誠品買了。

因為剛好看畢一本書，這本已急不及待地看著。

《天然石 X 珍珠の結編飾品設計69款》 。黐撚線的心在燃燒，撚線撚出形狀真係好好玩，學識後也可為我原有的鏈加上新的點綴。努力中！

好啦，早前因為在網上睇到《斷肌食》介紹，又發現幾本書想入，於是月中在博客來訂了六本書回來。

《女巫》。其實好耐之前已想正正式式睇關於女巫的歷史。這本看來不錯。

《戰敗者的觀點》。關於講二戰的書，繼續搵來讀。今次入呢本。

《妖怪連絡簿．玉響之家》。無意中左篤右篤咁發現，入。

《Sherlock．致命遊戲》漫畫有中文版了！於是揀了這個S2E1故事。

《在咖啡冷掉之前》。有時都需要這類書消磨時間。

《肌斷食》。從封面一堆堆一組組字就知內容涉及什麼。書已看，也寫了想法，不贅。

呢本《梅花易彙通》唔係我啦！係有個朋友睇中，知我有博客來戶口兼定期「手痕」訂書，於是叫我買書時順個便搭單啦。奇妙係，佢搵我當時，我正 log in 住博客來兼揀緊書入 cart 。嘩哈哈哈。真係有無咁巧合呀！於是，幾日後這書就聯同我訂的書飛到我手喇。

2017剩下一個月咋，努力努力。