《罪與罰》．29/17

16/11/2017。哈哈哈，竟然一口氣睇哂這本世界經典。這是我睇完的第三本杜斯妥也夫斯基經典。前兩本係《地下室手記》和《死屋手記》。《卡拉馬佐夫兄弟們》我有，不過未睇也唔知被塞到哪裡去。嘿嘿嘿。

其實，睇完本書闔埋看錶，正正係16日00:00。真係巧。因為之前話過要15號要睇哂呢本書囉。哈。

本來以為本書好沉悶，好沉重。點知，原來一直都被「世界文學經典」呢類字眼的浪頭拋到嚇窒誤解。當然，我跟人說我正在讀這書時都有人表示詫異啦，大抵大家都曾讀過非常沉悶累贅的世界紅典〔《大亨小傳》對我來說，女人太賤，男人太癡，好悶。《麥田捕手》那美式智慧，我仲未有耐性去睇落去〕吧。哈哈哈。本來以為這是挑戰，結果只係發現到自己之前顧慮太多。

這個故事實在太精彩了，而且故事不艱澀，根本不需要不惑知天命之齡才去挑。其實，中學生，廿多歲讀這書也應付到。

故事講一個窮到要輟學，要典當，無錢交租，衣食住行同情緒都出哂事的大學生，因為睇到社會的不義，窮人只會更窮更下流的真實而感到忿忿不平。當他看著權貴的生活，及放債人鄙視，加上得知妹妹將和一個可恥的男人結婚，而養他的母親將會孤獨終老時，精神有點異常的就去殺死放債的老女人。他一直覺得呢類人係社會的蝨子，除去佢就是為社會除害。可是，兇案後身邊的人不時提及這未明的兇手，意圖和行兇手法，加上他繼續目睹社會的悲慘事，於是他內心的道德界線，比心跳還要起伏得大。

故事中描述角色的衣著及生活環境，其實同2012電影《悲慘世界》好似。平民中，窮人係窮到衫如破布，長期缺糧，平民地方周圍都係污物，鼠蟻和臭味。女人會因為環境所逼而淪為娼妓，行為稍有不檢整個家族都會離棄佢結局淒慘。被打被虐在那些昤代係正常事。

故事細節寫得好豐富又不偏離主角條主軸，六百多頁的故事，枝枝節節環環緊扣，仲好緊湊。

推介。唔使擔心，故事真係唔悶，好好睇。

፠

即係咁…為富不仁的人跟以前一樣沒少過，如果男主角生活在現在的香港，未必會打劫阿婆，唔知會做D咩呢？嗱，小說中男主角並唔係「憤青」來喎。

፠

其實，人生要苦起來，真係好苦。苦難不會獨來，總是一不離二，二不離三地來。