風呂敷

天氣微微轉涼。出街時袋裡真的要帶備披肩圍巾之類的布物。四月的時候一口氣處理掉數大袋積存多年卻不著的衣物。當中包括皺到成鹹菜樣亦由灰變黃〔果然鹹菜無異〕的圍巾。

又是藉口去濕平。

雖然有 coupon ，可是入到 sogo 睇，依然覺得有牌子的圍巾真係好貴。可是沒牌子的摸上手又很粗糙。於是，拖到現在。竟然從台南網購了一幅布回來當圍巾！嘩哈哈哈！因為睇到又十分喜愛，價位亦接受到，於是拍板啦！

是在 Pinkoi 裡找到的。是一爿位於台南，名叫白做研究所的店。阿桔買的，是來自日本的風呂敷。上星期落了柯打過了數不久，已收到訊息貨品已寄出，貨品其實星期六已送到，不過星期六不用返工，收不到貨。之後到星期一又假期，星期二阿桔又要早走去睇醫生。於是，輾轉到星期三上午才收到件。開心！

包裹內還付上親筆小咭一張，真係收貨都收得好開心。

有好幾幅都好靚，不過阿桔忍手，買了這一幅。

風呂敷其實用途很泛，不過披上身應該不會同時又用它來當墊布吧。

 
其實白做研究所的店主有兩位係香港人。。哈哈哈哈。

專頁：www.whitedo.net