BeautyBlender

女為悅己者容。。聽講美國不少化妝師興用美妝蛋上粉底，因為粉會更貼面喎。於是，連用掃上粉都未試過的我，爭扎了好一段時間，心思思後還是買了一粒蛋來試。當然，要買埋佢個不含酒精的 cleanser 。

怎樣上粉？上網睇片，係要把粒蛋先濕水，發大後再用布印乾佢，就可蘸粉底液上妝喇，然後，印走多餘的粉底，稍候一下，臉乾就可掃蜜粉。看似非常容易的程序，可是返工日子起床到出門分分秒秒都好似打杖咁的我，真係奢左尐。於是，只好待在星期六日或公眾假期時間鬆動的日子才用。

而有一樣不得不說，這個沾了粉底液的蛋，最好每次用完都用 cleanser 去洗番乾淨再拎去自然風乾啦。於是，上好了妝都要預多少少時間留在浴室清理現場。。

如果日日都用佢，我肯定會抓狂的。

一,一 ""

至於粉底貼唔貼。。我皮膚細個時缺保養，粗啦，有尐粗毛孔位用蛋上粉，少了手指的溫度，因此上得唔係幾好。當然，用了幾次，仍待掌握合適自己的敷門。

慣了用手指上粉的我，比較下，都係用手指方便好多啦。


女為悅己者容？哈哈，我就覺得女為悅己者「勇」！