生日月之買買買

走了好幾間店，終於買到一條幼身的牛仔鏈，這是補回那次阿桔用了其中一條牛仔款銀鏈的S扣去救馬桶水箱的事。扣至今仍在水箱的栓上哩！如果搵師傅上來整又要花幾百元，不如拎呢幾百去買塊白銀好了。

話說回來。走幾間店去買條鏈。。事關這一條不是銀鏈，而是足鉑金鏈囉。925易買，金飾易買，950鉑金也易，可是阿桔堅持要足鉑金，又要唔引起人發現的款，加上價錢亦是考慮因素。格了價，七個字那一間有牛仔鏈，最輕都要四千三。另一間，又係拎最輕一條，篤完計數機報價四千四多，礙於牛仔鏈款以外真係好易被人發現，於是走了幾間，終在某一天一個鉑金價回落重要低過金價少少的水位，竟就搵到一條符合心中價位的鏈喎！

YEAH ~

哈哈哈。話說當日入金舖係買另一樣心儀的東西，可是無現貨要落訂，要三月尾先到手。在搞緊單據畀緊訂金時順口問句啦，店員話有輕身牛仔鏈款足鉑金啊，果真的在櫃內另一層存貨中拎出一條幼身的牛仔鏈款來畀桔試。踏破鐵鞋無覓處呀！因為頸鏈都是在同一間店買的。是緣份囉！沒理由錯走吧。

銀，鉑金其實不同顏色，希望不被發現啦。