不知所謂的成年人。。

次次去濕公，都有奇遇。

以前試過喝止細路搬動地上的斷樹，也怒睥一邊行一邊摘花的細路吊佢尾嚇到佢收手。。因為同行的大人都不理會，阿桔才忍不住。。

其實，應教育的是大人囉。

就好似，呢次去公園，見到陪個仔一同在木橋上跑的年輕老豆，亦見到有孩子問個老母天上飛過的是什麼鳥呀個老母求卵其答係「雁」〔鸕鷀囉其實〕。雖然個細路轉個頭一定唔會記得雀的樣，不過咁求其好咩？〔當時阿桔有舉機拍。。〕

呢日，還有以下。點解呢兩件女，為拍照而走到木棧道下？如此犯禁卻悠然自得，若果此時驚動了附近的蛇而被噬，心地唔好的必然會熱烈地「哈哈哈」囉！

唔係講笑，的確在園內的通道遇過趕路的蛇。。

個個望到都有樣學樣走落去取景拍照，多多植物都踩死呀！