衣食和習慣

阿桔好怕同「無衣食」的人同檯食飯。偏偏，家中兩老，天生一對，都是無衣食的人。

男的，明知食唔哂碗飯又唔會在扒飯前嗌少飯， 更唔會未食前把飯撥回飯煲內，就咁插筷子扒幾口，然後，那大半碗飯因為篤過，不可留起，只好送到垃圾桶裡。

早幾日又如是。阿桔望住垃圾桶內「已被處決」的白米飯，忍不住說了句『粒粒皆辛苦』。

想當年阿桔只得幾歲時候，有次佢煮了田雞，放在白飯上迫阿桔食。阿桔覺得好恐怖不敢吃，於是推開了碗。而同時他又把碗推回要食要食。於是飯碗傾側，田雞腿和飯都散在檯上。結果？成年人即老羞成怒，把手無寸鐵的小孩暴打一餐，還推了出門口。



女的，可以分的話，就不吃肉餡。個地步係去到：明明喜歡吃餃子，雲吞，小籠包等等，卻只吃皮，肉都撥到碟邊。大半月前見佢吃蘋果批，都係擠哂果蓉出來只吃皮。即使由細都知都見，可是每次只要同檯對口對面睇到呢幕，心中還是很不舒服。

這天，因為又有突發事，沒有被通知沒有菜只有白飯。

幸好阿桔平時出街都會買定一些配飯之食咋。

星期四晚在金巴利那邊買的。估不到星期五晚就要吃。