爽死！

緣於昨日上錯車去唔到擔竿洲那邊拍鳥，今日早起，便出發去塱原走一轉！對上一次去塱原，已是差不多兩年前的事了。好記得那天在塱原收到家中電話說阿蛋有唔妥，明明剛踏進田疇的便要即刻起錨回家看貓。結果，貓因為糖尿而住了差不多成個星期醫院，執回條命。大抵因為太深刻，加上本身又好記性。。

估不到，兩年後再來，要植物有植物，要雀有雀，而且，還發現多了很多貓貓！簡直一次過滿足哂阿桔四個願望呀！嘻嘻！第四個係，阿桔好鍾意行農田中的疇畛，第一次行係未發展仍是一片農田的東涌，第二次已是在雲南的香格理拉，一條傻婆在田中的亂走，真係爽爆。之後，黃泥墩村，塱原。。

呢次，有數百隻斑文鳥 Scaly-breasted Munia 和 麻雀 Eurasian Tree Sparrow 分幾組在田的上空迴旋群飛，當牠們低飛正好在頭上的天空快速掠過，那種拍翼的「轟」聲，其氣勢與視覺效果帶來的興奮，真的要親歷其境才體會到。

上幾次來都無呢個特備節目。今次真的爽到唔捨得走。

下次拍雀都唔好再懶，都係托部大機加另一支鏡來拍拍拍。

有時，牠們會降落到田裡。。

因為這張相較清，所以睇到係兩種雀。。

噢。又飛遠了。