四月廿七．髀髀餐

咪笑呀！與其日日開兩罐 Hill's w/d 〔@ HK$28〕畀貓食，不如上網睇睇人家自煮的貓食。因為糖尿病貓最好就戒哂碳水化合物。結果嘛，桔媽用了十五元買了三隻冰鮮髀給貓。

用少少鹽去髀髀的冰鮮味。隔水蒸熟。。還未熟透，香味己四溢。蛋伯興奮到索性在廚房邊督促邊等。心急到想自己落手。哈哈。阿桔都好心急呀！

狼吞虎嚥。。

臨睡前，桔媽把剩餘的盛起，行出應問蛋伯食唔食雞雞。貓在房中又嗅到香味，開心到。。真係開心到「喵~」住歡呼跑出廳。牠的猴擒和反應，當時真係笑死桔！