自暴自棄早餐圖例

本來偷得浮生半日閒，於是九點前左右就上到醫館諗住排頭位睇手和頸，點知醫館門貼了告示，是日十一半才開診，白趕一場，無奈得反眼。反正都到了元朗墟，遂，搵個地方吃個早餐去。上一回吃嘉麗園，一個金錢肚牛肚麵雙拼麵竟賣31，加埋杯飲品，埋單四十幾五十，貴到肉赤。所以，今次都係去茶餐廳算喇，至少有個譜吧！

明明是昨晨吃的，但我已記不記這份早餐原本叫什麼名字，因為，當我把這份有榨菜豬扒米線，菠蘿油及熱華田的早餐相片放上面書，下款我是標著「自暴自棄早餐」，哈哈哈！無法不這樣想，我作為當時人，當伙計把早餐一樣樣放到我面前，近日忙著要「清減」的桔那刻真係覺得這點個餐，太功虧一簣喇。哈哈。

大抵是個下款太好笑也太貼題吧！相片一出，竟惹來不少新知舊友的回應，有同好的，也有人問訝異我「清得哂嗎？」，又有人會問「係咪真係咁肚餓」等等。哈哈。同好更跟我說，某地某茶餐廳的冰火菠蘿油勁好味，弄得我心癢癢的。其實嘛，我好鍾意食波蘿油，不過知道多吃無益，所以好多年都忍到口無買過來吃喇。

今次點這份早餐，也是基於這個包太誘惑咋。

這個，下不為例。否則，「成功清減」的日子又會被拉遠。哈哈哈。