啐~社會事

繼友人話某半退休的平瘦女星那個神奇「起角」的豐胸廣告蔚為奇觀後〔最大件事係早前女星亮相時胸脯竟不像廣告般大〕，近月電視台某胡藝員那個三點式半趴的纖體廣告也令我覺得匪夷所思。真係拍得好cheap。泳衣花款經已好「娘」，配合毫無美感且叉開腳奇怪到似畸形的姿勢，過瘦的身材和不快樂的表情，真係嚇死人！真係覺得人妖feel滿瀉！又唔健康又無美感，好端端一個人不會這樣pose拍照吧？真係差劣到難以想像。相比，旺角那些娛樂場所「借來」的日本半側身水著女燈箱廣告唯美健康好多。
真係好核突。
另一個質素差不多的廣告，立在佐敦。那個水著女的表情，不似賣渡假城，似賣緊娛樂城。
究竟這些公司想吸引什麼客源？

電台新聞訪問輪中銀奧運銀紙的市民，有個女人不滿安排失當要大排長龍更要大家逼，竟話「我係人來咖！」。如此委屈，如此怨懟，配合在這件事上，真係好好笑好好笑！有人強逼佢去排隊？究竟箇中發生了什麼事？明明落雨兼翳熱點解仲要為幾張銀紙去逼去等坐街？至於那些排緊隊跟隊友初則口角繼而動武失哂理智的市民，真係癲哂。如此無謂又如此瘋狂，唔係癲係咩？
「我係人來咖！」。。