手帳。0903。comfort food

整個課程已進入尾聲，危險的情況因為一個又一個 teamwork 的功課而增多。

除了小學雞，還要擔心被利器「明算」。理解不到講話要用手去配合，而擺動的手握住的，是剪刀，𠝹刀之類。當對方講什麼順「手」就遞起而把剪在我蘋果肌外不距五厘米掠過，真夠嚇破膽。

而另一個問題組員，在交完功課需拆卸花葉時，隔住水桶俯身，一手握住剪刀同時按住檯面借力，另一隻手進行拔葉拔花。我？下把的我早就在 Wreath 前做緊拆卸，這同學又搶住一齊，由於場地狹窄，佢在邊上咪做出按檯借力越過水桶加手動作。我個頭頂跟佢手中把剪又係近距離！我忍不住話佢手握剪刀，又咁樣隔住水桶俯身好危險，一個失衡人就向前（落桶定落地？），可以先把水桶移埋一邊企定定才繼續。都無直接屌佢握住把剪刀還正正項在我頭頂，我若仰頭幅度大少少或傾向前點已「爆」。佢理解不到危險性，竟然話無問題佢企得穩繼續隔住個水桶俯身拔花葉！！！

我索性放棄停手唔拆，行開。我身心很累，也冒火了。

鄰組同學睇見聽到都替我抹把汗。都叫我唔好行返埋去那邊。

上呢個課，令我更懷疑呢個世界點解充滿奇行種。

看了一個短篇：《親親小洲》。

也多謝鄰組同學贈的芬蘭糖果。