何況是不一樣的米。

🧠 our knowledge can only be finite, while our ignorance must necessarily be infinite 

by Karl Popper

避開奇怪的世風，但上課碰上且困在一室，真的避無可避。

連導師都……

在堂上，有個導師不時興奮地開心 share 。例如推介在淘乜乜入的某牌子去霉點噴霧，賣點係唔貴之外，一噴去霉點就轉下（以秒速計）消失乾淨牆壁回復潔淨，效果超快又強力，所以忍不住推薦這好物。（em……看來佢無考慮到這樣的徹底兼快速潔淨的清潔劑，當中必有重劑量的化學成份。）當然，班上一些早已習慣日淘夜淘的同學，就忙於記下這個推介。

課間交流，簡單表達自己不太看本地新聞，不看電視多年。被問點解，遂說因為傳媒所撰的用辭和角度係「編排」過，有引導性。咁，呢個導師就好誇張咁指出唔可以唔留意唔關注時事。因為我真的少留意本地新聞，自覺也缺失好多資訊，加上對方係導師，就收口無為這點駁下去。然而，後來在堂上，佢侃侃而談日常係煲「小R book」和淘東西，開電話主要都係 loop 這個這個，定點入商店 app 看擱在購物籃的東西價格有無下調。還興奮地講裡邊真係好多嘢睇……

真係見聞廣博。

至於一些 APP，我話無 d/l ，被 why 啦。解釋自己不需要，而且這些 APP 個個有後門。佢驚訝，佢話無問題，還反說顧慮這些有沒有就錯過好用的 app，況且西國的 app 咪又係咁……（抹汗）。

在課堂中佢會暢談頻繁在北邊的樂活，植睫呀，整甲，整髮，觀光，吃喝玩樂，お任せ有幾便宜好味，在靚裝咖啡店飲啡享受人生，香港真係乜都好貴服務不貼心又有時限……因為我不過境，所以坐在課室最前一行幾個鐘近距聽住呢位導師亢奮地分享佢日常，其實真係幾辛苦。

因為佢不止教一個班，佢以課程範圍再整一個 PPT 授課 ，加多一些搜集而放進去的資料，所以跟校方提供的筆記有不同。但，個 PPT 當中出現的錯別字都幾顯眼，無學生提佢有錯別字，而佢次次 browse through 都無發現自己的錯字？看著佢對住 screen 講課，那些錯別字真擾心。

成人教育班，一些同學年紀都坐緊兩元車，但這導師堂堂就叫學生多陪家中長輩。還說曾有另一班的一位學生聽了後因為憶起已逝家人而飲泣。扶額。每個人有每個人的故事，成長歷程，家族羈絆，有些話題在班房內出口前理應慎重思考會否勾起別人的「情緒」，尤其是每個課室中真係坐著幾十個彼此毫不相識的人，擇言慎思永遠是對他人也對自己的溫柔。係啦，邊有反省丫，還是在課室和課室間一再跟不同的人勸孝。

我累。

同學的，如前些提及，我被配的一組四個，各具特色及 angels ∡。係，我隻角幾尖銳。

一個慌失失但乜都搶住幫手；一個行為極品又嘈；一個 obstinate 但又井底屬性……我就扮清高深藏自己啦。

最搞笑係臨完班時其他組的同學暗下讚我撐咁多堂都無爆真係好忍得……我其實有 emo，只係一再用力控住自己，大吸氣，嘟囔這幾個都係「根本善良」。哎，好不好相處也只係呢百六個鐘，那些張牙舞爪，皆是蠢貨式舞弄。不要搭埋自己入去。雖然上頭一個星期有想過退學。真係咬緊牙關做忍者啦。

個極品大喇叭，得知有同學在結課前一星期因健康理由退學，就衝口而出話人「做乜臨尾香唔讀埋最後呢幾日堂」，這種一開口就拉踩別人的劣根確係極品。在班房中長期大呼小叫還自恃一直咁咁唔係無禮貌，責備別人無知，責備別人郁過佢的物件，責備人偷了她的花材，責備人無手尾，嫌人 out 用膠紙貼相片好核突，然後大方地從袋裡拎出「膠水」予人用（glue tape 這東西佢應該未見過），分花葉要抽最新鮮，同學分派的較蔫就呱呱叫多多事實扭住要換要補，導師講解完自行亂來做不到功課後又熊孩式抱怨……在落堂放學，升降機到會大叫「𨋢到喇」兼搶先入𨋢，有位的話就大叫其他人入𨋢，阻止關門，懶理𨋢內有其他樓層的人，而之後在𨋢內繼續大聲講話。

我呀，因為協助導師在士多房搬動物料，後到返課室，隻熊就以全班聽到的聲浪話我唔知去邊搞咁耐。乜料呀！

熊呀。

話就話做人過活不要太以貌取人，但那些連精神面貌都奇葩的，真各有奔放，各有瘋情！

有人對豪秒微秒完全唔識，唔緊要，卻對計時器的數字單位有懷疑，堅持計時器不正確，爭論起來。唔好咁癲啦～

有人頻繁將個人的暴發戶式的遠大前程攤出來，明明課堂內都無斜陽照住，氣魄魂？

還有想證明自己「有用」而自主搶住做這樣那樣，但在這些多了的行動中，又聽漏學漏了不少。

導師響應趨勢鼓勵學生們多用 AI ，但他們包括同學對 AI 這個完全陌生。最失笑係簡單咁用 DS 查資料，真係當正個 result 係金科玉律，就不再反覆搜尋求證真大有人在。

咁樣，人類，快將滅亡。

話說，DS 話 Japan 的國花係櫻花。有資料講櫻花來自中土。咁，我同組的井氏，就立刻憤氣填膺大聲咁話那個島國一直最愛偷佔別人的東西……喔！呢種錚錚聲的自然反應果真係長期訓成。

呢種咪係棟樑囉。

知道乜料，就不混水。

善蠢可憫，惡蠢就是殊途。

勉之。

感覺自己在滾筒，亦肯定會在內「心身」揈足百六小時需要一個樹窿（不是樹幹上的窿，而係連根拔起一棵那個窿），所以未完班已開了一頁紙寫低 release 感受。

Bye。

人類真的……