入花叢…

這陣子睇書的速度好慢，一來是投入整手帳工作〔多事可記〕，二來有時我自己都唔係好清楚自己正在睇緊類別的書…加上閱讀中一有新發現又去搜尋一番，結果今年目前的閱書量仍未過三十本。

〔所以上個月沒有買書…〕

好喇…

目前在公司的 lunch break ，都會趁飯後時間睇書。且同時上網找更多相關資料做對比、補充兼做筆記。

好喇…大發現係，我竟然多年來都無為意老母原來講錯佢所屬星座。呢下真係…或許這根本不關我事，加上我又不太在意星座運程，所以從來都無仔細咁去了解。佢話乜就乜啦。

揭著的明明是占星書…內裡莫明奇妙就出現應該屬地理科的知識。回首，中學的地理科分數長期是低空飛過，到會考時甚至直接 landing 的我，依家竟會刨著這個什麼 moho …真的臨老入花叢嗎？

因為 moho，甚至在網找圖 print 埋出來…究竟我睇緊占星定地理書？

動力？嗯，一定是從他那裡來。不可以懶。😄

好啦，因為咁，搞到在公司食個 lunch 都好似入了自修室開 turbo 狀態…

哈哈哈。😆