膳心小館

因為想去膳心好耐，呢日行程編好就一齊去啦。

朋友已吃過兩餐，我餓底，於是我坐下就點了個黑松露炒飯。

非常乾身又粒粒勻稱入味無粘埋一舊舊的炒飯，絕對係精彩！大酒樓，酒店都做唔到啦。

勁正！

排隊入店時後面的一對食客大讚店的咖啡好味，好高質。我不太受得奶，所以嗌了個美式咖啡。味是我愛的苦味，意外地超級滑和順，大愛呀。

愛品啡的朋友試了店方獨家的橙汁咖啡，都話非常驚喜。

我無拍照啊。下次啦！

芝士蛋糕的芝士超濃郁。朋友都勁讚。

有跟開店方專頁的都知有蛋卷，杏仁餅，豬肉乾，馬仔，瑪德蓮，鳳凰卷等等發售。呢日我都是來添貨。買了朱古力和開心果味瑪德蓮。超好味啦！原來師傅係有藍帶證書。怪唔之得。

杏仁餅非常好味！好香好脆的杏仁餅。簡直不二之選。

買了一罐椰汁蛋卷。不過以我幾日清一罐的速度，真係唔敢咁快開蓋食。朋友也有買，當晚食過已後悔買得太少。嘩哈哈哈！下次睇來都要拉架車仔去買喇。

你試了沒？