又去梅貴緣

在深水埔買完筆，又去鄰街的梅貴緣食糕點飲糖水。

反正之後就乘車回家，所以買了四款糕：馬蹄，馬豆，紅豆和我至愛的薑汁糕。正呀！

老母知有糕點食，都開了盒馬蹄糕來試，好清甜，唔膩，好爽。夏天人燥，真的要多食馬蹄！

店裡我超喜歡的蕃薯糖水，薑味好夠！夏天要多吃薑啦！而且我寒底胃，食薑是醫師批准的，所以我食薑都食得好放任。

在店裡叫了一個小菜，菇燜鮮淮山。超正！准山對身體好丫嘛！

想清一下腸胃，於是嗌了一碗紫菜湯。滿滿的紫菜，加了麻油，和不知是什麼配料調味，好好味呀！驚喜！

朋友點了一份紅豆糕，因為剛放雪櫃，所以樣子有點怪怪的。不過都係好好味啊！

店子多了裝飾…❤️ Yell Cards … 好靚！

不在店裡亂走，拍住咁多先！

在家繼續清甜品。

馬豆糕！

紅豆糕果然好香陳皮味！

下回再買！