前世啦~

〔呢篇擺在 draft 好耐一直無寫。。好啦，執一執字句先放上來。〕

好奇了好耐，早前…2019年終於找到個有感覺的人，畀錢做了一次前世回溯 / 解讀。之前掙扎了很久，唔想知道得太多令自己萌生一些負面想法。曾經，有位朋友做了類似的回溯，見到這世的戀人在前世跟自己的關係，對方是自己冷待的妻子，甚至因為他的行為而含恨自殺。於是，這一世再相遇，再糾纏不清雙方陷入災難中。係，因為置身在苦不堪言的境地才令他去試回溯前世清走兩人的絲絲線線。

至於後事如何，這裡不贅了。

聽別人平靜地講返驚濤駭浪的往昔，相對我的，又算是有什麼…或者，從來「連什麼也不是」。

哀莫大於心「未死」。

『前世解讀
呢一個前世嘅你係一個幾高大 皮膚好白 黑色短攣頭髮 幾靚仔嘅男士 佢嘅一生基本上都過得幾開心幾幸福 因為身邊嘅人都對佢好好 亦都 受到社區入面嘅人歡迎 因為你係 呢個部落入面 長老 收養返嚟嘅仔 你親生爸爸 因為喺你仲未出世嘅時候喺出邊狩獵出意外而死去 而媽媽亦因為難產而過咗身 由bb嗰陣開始 就係長老親手養大你 佢係部族入面最有智慧嘅人 而佢亦教育得你好好 教咗你好多唔同方面嘅知識 亦都自細培育咗你成為咗一個思想靈活同時樂於助人
性格溫厚嘅人 到你大個咗嘅時候 自然部落入面所有人都對你好好 而佢哋亦都好樂意同你傾訴佢哋生活上嘅煩惱 同埋搵你幫手 你唔介意去幫族群入面嘅每一個人 你每一日無時無刻做嘅嘢都係為咗其他人 基本上冇乜私人時間 但係你又唔會去適當地拒絕其他人 因為你覺得為村民服務係你嘅使命和對長老嘅報答
亦唔希望辜負其他人對你嘅期望 呢個係呢一個前世帶畀你今生嘅課題：拒絕嘅藝術 要學到 清楚自己嘅底線界線喺邊度 同時堅守
係你呢一生嘅其中一個大課題 同時呢一個前世亦都帶咗一個天賦畀你 就係你嘅表達能力唔錯 你可以將一啲比較概念性嘅嘢又或者事情嘅經過好清晰咁
亦都可以好生動好似講故事咁樣表達返出嚟 同埋 其實你都有靈媒嘅資質 呢一世過得都大致平穩 雖然出生嘅時候好不幸 但之後嘅餘生都被周圍嘅人愛戴 過著好無私嘅生活方式 無私雖然都有覺得疲累都冇屬於自己嘅時間 亦都會有令到你覺得唔舒服就快爆煲嘅時候 但係之後遇到嘅妻子亦都好明白好樂意同你分擔 最後亦都生咗三個小朋友 小朋友大咗之後亦都幫你分擔你嘅工作 
最後係因病而去世』

然後，他突然補充一句提外話

『Btw信你既直覺，其實你睇人眼光係準既』

〔紫色係我pick的重點。〕

啊…知道自己有一世係活得好愜意 ，沒有什麼憾事咁瓜柴，心情竟然有欣喜。咁，再諗，呢生呢世的結〔不止一個〕，絕不是這一世積落來。

喂，不如繼續愛戴我直到天荒地老吧。