個人訊息． 4/11

會不會準到太誇張呀。訊息到的那天早上，人狀態本來就不好， 一回到公司就接到另一部門同事打來電話，莫明奇妙受了一襲無情風刮刮刮。半小時多，黐膠線。〔我直到今日都唔聽佢打來的電話〕

點之…到下午收到如圖那個訊息都無半小時，就收到老母 whatsapp 我，叫我唔好再 send 黃野畀妹夫，老豆知道了好嬲，發緊火。喂，我仲要返屋企咖，點算！

『乜料呀？』我R爆頭。有些禮節我守得好嚴格，所以我和妹夫僅在家庭飯局中見到講幾句，私下無聯絡，倏乜咁大整蠱？

老母講，係老豆話佢個女講。於是我 cap 圖去姊弟谷度問阿妹…佢都好愕然點解咁，佢都無講過類似的事。

即係老豆幻想太多佢唔順眼的事就入我數，老母就加藥，挑撥離間。

因為阿妹無講過，所以都好激氣又食死貓。點解我兩姊妹成日都要食死貓。

結果係細佬舉手回家處理。

願我繼續如橡樹般硬淨！係呀。有咁樣質素的父母，由細唔硬淨都幾難過。