護…支…旗

是咁的。

根據官方「自古以來」嗰條處方，咁區區現值十萬億美元的滿清皇朝舊債項實在對強大又「超有錢」的中國來講根本就係「碎銀一盤」之嘛！唔係咩？唔信呀？所以，實在支持還畀美國佬，即刻還，重要係一煲過還，成舊錢塞過去。

點解？嗱，當住全世界用 cash 拋窒美帝，

1/ 自己威盡，臉貼哂金。震懾四海，型到裂！

2/ 美國從此對香港事務就可徹底收聲不能夠再干涉介入兼多多事實。

3/ 同時美國亦為呢筆現金做成國內通脹…

4/ 阿帶阿路沿線小國，現兜兜見錢就眼開，不會扭擰，亦可能一個個大開國門投誠，咁可以收復返之前失地…

嘩！呢一盤碎銀威力幾勁呀！係咪先？係咪先？

愛國者口講要做護旗手，呢個時候更加唔好齋嗌口號，要直挺挺企出來，投出全身，出錢支持國家債務一筆清囉。

中國人嘅面子，唔丟得呀！