19年8月。買書6本

支持小店後，又去了書店花花錢。因為書展後，一些本地出版的書陸續在書店上架，加埋台灣出的書，突然好多書想買。

近月的支出除了必要買的日用品多，就只在買書〔食糧〕度。因為舉手助養，所以排緊隊的我不能不籌劃控制一下自己平日的「手痕」限度。睇開呢個網誌就知我係亂買之人啦。哈哈哈。

講返書先…

《寫鬼》。是詭語怪談系列的第四本。買啦。反正見到。

《偵探冰室》有我喜歡的作家，唔想錯過啦。

有 follow 專頁，呢本厭世姬寫的《厭世女兒》未發行已決定要買。不過城邦見唔到，他見誠品有，於是以「好貴價」幫我買回來。

《秘密社團》。呢本唔係新書，2018年年尾出的。上回逛書店見到不過忍手無買，心掛掛怕之後買唔到會後悔，於是扚起心肝見到就買。

呢日書架度剩得呢本咋。好險。

《黑夜旋律》 。譚劍作品。繼續支持。

《白邪封印》，作者沙士被壓的首作《天黑莫回頭》系列好好睇，既有新書出版，當然再捧場啦！

或者，在這個日日都非常緊張的環境下好難專心睇書。不過，我有位辦讀書組的朋友話，這陣子的後生仔刨書速度非常快。

我作為「長者」，對於自己的疏懶，表示汗顏。

加油。

唔好再畀藉口自己懶呀！