工廈食堂

有次同朋友圍吹，有位在醫院做的朋友呻員工飯堂的頹飯，講初入職會選擇出去食好點正常點，可是後來為要爭取休息時間，明明頹飯非常唔掂都唯有照食快食。而其一方法係揀小菜一定有款要多多汁。點解，佢話「當KY用啦」。意即係靠芡汁之類令食物不用咀嚼多次，吞嚥容易。就好似食炒飯同食湯飯的分別。頂，笑到一檯人標眼水。

幸好，我返工附近的工廈食堂真係好味。40元3菜飯連凍飲，盒1元。

記住另一位朋友講，均衡飲食意指係食不同款的食物。

炒芽菜火腿，旺菜，咖哩薯仔。

豆腐火腩，茄子，炆節瓜

蒸蛋，茄子，長豆角

蒸蛋換了芙蓉蛋

麻婆豆腐，節瓜粒，炒通菜

其實每個午市有成廿款菜揀，不過我不吃牛不吃魚又不吃雞，所以都盡量揀蔬菜類啦。