和朋友在路上話別後往巴士站途中遇上動物環境生態保育類別慈善基金組織，被截住了！跟我介紹的義工是個青年，加埋佢同樣係義工的同伴，又問又答又講下目前香港問題，世界性保護動物環境的林林種種〔我有三條每月定捐的數畀慈善組織，不多不少都知道救緊什麼〕，於是三個人在街上吹水吹了差不多大半小時。
當然，也講下目前香港的情況。
加上，打唔成風，街又卅十幾度熱力四射，講到聲沙了。
於是，感到口乾的不得不去買杯飲品滋潤返。
呢個係「丸三冬瓜檸檬」，丸有三隻味，但因為乾唔到杯，所以食唔哂丸丸丸喇。買的時候店員有提議多少少檸夏天飲好舒服，不過飲之時我真係覺得酸得太怪，加上真係好大杯我眼闊了太多，卒之浪費了1/3杯。
囧。
26/08/2019
既然在圖書館見到呢本書，就借來睇睇有幾「金」啦。
結果係，一點都不恐怖。這世代的網絡作家寫的鬼故比作者筆下的故事更緊張更寫得好囉。
想看的，放棄吧。
因為氨基酸有驚喜，所以去補買一瓶氨基酸洗頭水先，一星期用兩次應該都救到「唔夠絲滑」的頭髮。
雖然貴就貴左少少，無計，天生麗質就不用花這點錢喇。
在店見到呢個，買了個強力的，同來黏下流海，鬢位D亂向毛毛咁啦，可以唔使落手去上 gel 上泥，幾時都可以搽，i like it。
常常見到呢隻貨品的廣告，強調去角質恩物，咁要去角質的我就買一個來試啦。這個在萬寧買的係連一把掃的 set。
當晚就用啦…嘩隻味好「啃」呀！
敷完撕走塊面膜，臉感覺係「膠」哂…係咪咁咖？
事緣係早幾日去做 facial ，店主幫我整髮箍時就話「嘩，你多了咁多白髮？」…
唔尷啦，事實來。
這陣子懶，無搞頭髮。好啦，去店買盒染髮劑執執個笨頭。我是因為見有灰色才買這個。用完有驚喜。
在 workshop 被安排買了廿隻色每色半卷共六百元臘線。暈。我想買住一卷先，可惜上堂的導師無力更改決定。因為店主去了旅行，臨行前係佢已標好哂價錢在紙上。
看來我要好好的織點什麼免得浪費。
義賣好，送禮都好。
睇完戲之後去做 facial ，中間只有一個小時，計埋腳程，實不夠時間到餐廳好好坐住食，又唔想把熱食囫圇吞棗咁落胃驚爆汗…於是轉入韓國街買個韓式便當匆匆的糊口。
韓式飯卷，粉絲，年糕。飽哂。
11/08/2019
收到這本書第一時間睇…睇哂。我在作者未出書前，都有在她 FB Page 留低過想法哩。
朋友告知這店有幫人避彈彈，雖然呢日朋友有事最後無一齊來，但我都照樣來這裡支持支持。
當然，我以前來過啦。
今日食多少少啦。之前食湯麵…今次食煎餃，酸梅湯和排骨炒上海麵。
因為朋友帶團，所以告知餅店有中指貓造型的曲奇賣。嘩哈哈哈，雖然佢話可代買，但我實不好意思再拜託佢又買又拎啦，天氣咁熱。加上想去走走，於是在一個熱到黐肺〔卅十幾度兼無風溽暑天〕的星期六，去了西營盤一轉。
在這個浪接浪的城市，1984已是老字號了。比老字號更老的我，唔認老都唔得啦。
My blog is worth $3,387.24.
How much is your blog worth?
